Matteus "Bavariya"nın baş məşqçisini tənqid edib

Almaniya futbolunun əfsanəsi Lotar Matteus "Bavariya"nın baş məşqçisi Vinsent Kompanini tənqid edib.

90deqiqe.Az xəbər verir ki, "German Sky" 63 yaşlı sabiq futbolçunun dediklərini belə çatdırıb.

“Bu, alçaldıcı idi, kədərləndim, ona yazığım gəldi. Tomas Muller ən böyük və ən uğurlu oyunçulardan biridir, o, bundan keçməli deyil. Əvəzedici kimi başqa bir oyunçu gətirmək olardı" 

Çərşənbə axşamı Çempionlar Liqasının "Seltik"lə oyununda Kompani oyuna əlavə olunmuş vaxtın beşinci dəqiqəsində Tomas Mulleri əvəzləyib.

Xatırladaq ki, “Bavariya” “Seltik”lə heç-heçə edib (1:1) Çempionlar Liqasının 1/8 finalına yüksəlib.