"Bavariya" Kimmixlə bağlı qərarını verib

"Bavariya" yarımmüdafiəçisi Coşua Kimmixlə bağlı qərarını verib.

90deqiqe.Az xəbər verir ki, Münhen klubu almaniyalı oyunçu ilə müqaviləni 2029-cu ilə qədər uzadıb. Bu barədə klubun rəsmi saytı məlumat yayıb.

Xatırladaq ki, daha əvvəl Kimmixin PSJ-yə keçmək variantını nəzərdən keçirdiyi bildirilmişdi, lakin alman futbolçunun əsas diqqəti Münhen komandası ilə yeni müqavilə üzərində idi.

Almaniya Bundesliqasının cari mövsümündə 30 yaşlı oyunçu 23 oyun keçirib, 1 qol vurub və 6 məhsuldar ötürmə edib. Yarımmüdafiəçinin UEFA Çempionlar Liqasında da 11 oyunu və 5 məhsuldar ötürməsi var.