"Ştutqart" baş məşqçisi ilə müqaviləni uzadıb

"Ştutqart" klubu baş məşqçisi Sebastyan Hönes ilə müqaviləni uzadıb.

90deqiqe.Az-ın məlumatına görə,  bu barədə klubun mətbuat xidməti məlumat yayıb.

42 yaşlı mütəxəssis və onun köməkçisi 2028-ci ilin ortalarına kimi əmək müqaviləsi imzalayıb.

Sebastyan Hönes 2023-cü ilin aprelində "Ştutqart"a baş məşqçi təyin olunub. O vaxtdan bəri komanda 89 rəsmi oyun keçirib, 49 qələbə, 16 heç-heçə və 24 məğlubiyyət əldə edib.

Bu mövsüm şvabiyalılar Çempionlar Liqasında çıxış ediblər, lakin ümumi mərhələni keçə bilməyiblər. Əlavə edək ki, hazırda “Ştutqart” Almaniya çempionatının turnir cədvəlində onuncu yerdədir.