- Almaniya B.L.
- 11:22 03.04.2025
"Bavariya"nın hücumçusu Harri Keyn İngiltərə Premyer Liqasına qayıtmaq istəyi ilə bağlı açıqlama verib.
90deqiqe.Az xəbər verir ki, "ESPN" ingilis oyunçunun dediklərini belə çatdırıb.
"Nə vaxtsa İngiltərəyə qayıdacağam? Əmin deyiləm. Mən çox irəlidə düşünən biri deyiləm. Bilirəm ki, futbolda hər şey tez dəyişə bilər, amma hazırda diqqətimi "Bavariya"ya yönəldirəm. Başqa liqa və ya başqa komanda haqqında düşünmürəm. Axınla getməyi xoşlayıram və hazırda mənim axınım "Bavariya"dadır".
2024/2025 mövsümündə Harri Keyn 38 oyun keçirib, 33 qol vurub və komanda yoldaşları üçün 12 məhsuldar ötürmə edib.
