"Borussiya" mövsümün sonuna qədər müdafiəçisiz qalıb

Dortmund "Borussiya"sı futbolçusu Niko Şlotterbekin zədəsinin son durumunu açıqlayıb.

90deqiqe.Az klubun rəsmi saytına istinadən xəbər verir ki, 25 yaşlı futbolçunun menisküsü cırılıb, ona görə də bu mövsüm Bamblebeesə kömək edə bilməyəcək.

Xatırladaq ki, Şlotterbek bu mövsüm "Borussiya"nın heyətində bütün turnirlərdə 37 oyun keçirib və 6 məhsuldar ötürmə edib. Almaniya millisinin üzvünün klubu ilə müqaviləsi 2027-ci ilin yayına qədərdir.

"Borussiya" hazırda Bundesliqada 28 turdan sonra 41 xalla səkkizinci pillədə qərarlaşıb. Niko Kovaçın komandası Çempionlar Liqasının 1/4 final mərhələsinin ilk oyununu çərşənbə günü "Barselona"ya qarşı keçirəcək.