Fabreqas Bundesliqa klubuna rəhbərlik edə bilər

"Komo"nun baş məşqçisi Sesk Fabreqas Bundesliqada çalışa bilər.

90deqiqe.Az-ın "Bild"ə istinadən verdiyi xəbərə görə,  Fabreqas “Leypsiq”in qısa siyahısındadır. "Bulls" hazırda Marko Rouzla yollarını ayırdıqdan sonra komandaya yeni baş məşqçi axtarışındadır.

Eyni zamanda "Leypsiq"in siyahısında çoxlu namizədlər var. Bundan əvvəl İngiltərədə "Kristal Pelas"ı çalışdıran Oliver Qlasnerin komandaya başçılıq etmək şansının yüksək olduğu barədə məlumat yayılmışdı.

"Komo"  hazırda İtaliya çempionatının cədvəlində 13-cü yerdədir.

Qeyd edək ki, "Leypsiq" hazırda Almaniya çempionatının turnir cədvəlində beşinci yeri tutur.