Julian Brandtın 350-ci oyunu

Almaniya Bundesliqasının 30-cu turu çərçivəsində böyük maraqla gözlənilən iki "Borussiya"nın qarşılaşması baş tutub. Dortmund təmsilçisi evdə Mönhenqladbax "Borussiya"sını qəbul edərək 3:2 hesablı qələbə qazanıb.

90deqiqe.Az xəbər verir ki, bu qarşılaşma Dortmund klubunun yarımmüdafiəçisi Julian Brandt üçün xüsusi əhəmiyyət daşıyıb. Təcrübəli futbolçu bu matçla birlikdə Dortmund "Borussiya"sı forması ilə 350-ci oyununa çıxıb. Beləliklə, komandası üçün yubiley oyununda qələbə qazanmaq Brandt üçün unudulmaz anlardan biri olub.

Qeyd edək ki, Julian Brandt 2019-cu ildən etibarən Dortmund klubunda çıxış edir. O, peşəkar karyerasına Leverkuzen "Bayer"ində başlayıb və Almaniya futbolunun istedadlı simalarından biri kimi tanınır.