Müller “Bavariya” ilə Bundesliqada 500-cü oyununu keçirib

"Bavariya" Almaniya çempionatında evdə "Maynts" üzərində 3:0 hesablı qələbə qazanıb.

90deqiqe.Az xəbər verir ki, qarşılaşmanın sonlarında Leroy Saneni əvəz edən təcrübəli hücumçu Tomas Müller Bundesliqada "Bavariya" forması ilə 500-cü oyununa çıxıb.

35 yaşlı futbolçu bu müddət ərzində 150 qola imza atıb və 211 məhsuldar ötürmə ilə yadda qalıb.

Tomas Müller tarixdə bir klubda Bundesliqada 500 oyun keçirən dördüncü oyunçu oldu.

Bu yaxınlarda Müllerin 2024/2025 mövsümünün sonunda "Bavariya"dan ayrılacağı açıqlanıb. Bütün turnirləri nəzərə alsaq, Tomas Münhen komandasının heyətində 748 oyun keçirib.