Nazarov Ştutqarta meydan oxudu

Azərbaycan millisinin yarımmüdafiəçisi Dmitri Nazarovun şərəfini qoruduğu "Aue" Bundesliqa II-nin IV turu çərçivəsində bu gün meydana çıxacaq.

Corner.az saytı xəbər verir ki, sözügedən komanda öz doğma meydanında "Ştutqart"ı qəbul edəcək.

Oyunöncəsi yerli mətbuata açıqlama verən Nazarov ilk 3 turda aktivinə 7 xal yazdıran və liderliyi bölüşən "Ştutqart" önündə şanslarının az olmadığını deyib: "Doğma meydanmızda oynayacağıq və bu, bizim üçün üstünlükdü. "Ştutqart" burda 11 nəfərə yox, 15 min "Aue"liyə qarşı mübarizə aparmalı olacaq. Məqsədimiz meydandan qalib ayrılmaqdı".

Qeyd edək ki, "Aue" 3 turda 6 xal toplayıb.