Mahir Emreli II Bundesliqa XXXIV turun rəmzi komandasına düşüb

“Nürnberq”də çıxış edən Azərbaycan millisinin hücumçusu Mahir Emreli II Bundesliqa XXXIV turun rəmzi “11-liy”inə seçilib.

90deqiqe.Az xəbər verir ki, bu barədə Almaniya klubunun mətbuat xidməti məlumat yayıb.

27 yaşlı futbolçu 3-4-3 taktiki sxeminə əsasən hazırlanmış simvolik heyətdə hücumun mərkəzində yer alıb.

O, “Ayntraxt” (Braunşveyq) komandasına qarşı keçirilən və 4:1 hesabı ilə başa çatan oyunda het-trik etməklə yadda qalıb. Qeyd edək ki, mövsümün əvvəlində II Bundesliqa təmsilçisinə qoşulan Mahir Emrelinin klubla olan müqaviləsi hələlik uzadılmayıb. O, “Nürnberq”in heyətində cari mövsümdə çempionatda 10, ölkə kubokunda isə 1 qol vurub.