Virts "Bavariya"nı seçdi, "Siti" planı dəyişdi

"Bayer"in yarımmüdafiəçisi Florian Virts karyerasını Almaniyada davam etdirmək qərarına gəlib. 

90deqiqe.Az xəbər verir ki, alman futbolçu "Bavariya"nın təklifini qəbul edib.Virtsin qərarından "Mançester Siti" də agah olub. İngiltərə təmsilçisi indi diqqətini alternativ varianta – "Barselona"nın futbolçusu Dani Olmoya yönəldib.

Qeyd edək ki, daha əvvəl "Liverpul" və "Real Madrid"in də Florian Virtslə maraqlandığı bildirilirdi.

Bu mövsüm Wirtz bütün yarışlarda 45 oyun keçirib, 16 qol vurub və 15 məhsuldar ötürmə edib. Transfermarkt portalında verilən məlumata görə, futbolçunun bazar dəyəri 140 milyon avrodur.