- Almaniya B.L.
- 16:36 12.07.2025
Almaniyanın "RB Leypsiq" klubu müdafiəçi El-Şadai Bitşiabu ilə müqaviləni uzatmaq niyyətindədir.
90deqiqe.Az-ın "L’Équipe"yə istinadən yaydığı məlumata görə, Fransanın gənclər yığmasına müntəzəm çağırılan 20 yaşlı futbolçunun hazırkı müqaviləsi üç ildən sonra başa çatır. Klubun onunla müqaviləni əlavə bir il uzatması gözlənilir.
Transfer dəyəri 12 milyon avro olaraq göstərilən Bitşiabu bu mövsüm bütün turnirlərdə 28 oyunda iştirak edib. O, bu qarşılaşmalarda iki sarı və bir qırmızı vərəqə alıb. Gənc müdafiəçi cari mövsümdə qol ilə fərqlənə bilməyib.
