“Bavariya” Tomas Müllerin MLS-ə keçidinə münasibət bildirib

Almaniyanın “Bavariya” klubu komandanın əfsanəvi futbolçusu Tomas Müllerin ABŞ-ın “Vankuver Uaytkaps” klubuna transferinə münasibət bildirib. 

90deqiqe.Az-ın məlumatına görə, Münhen təmsilçisi sosial şəbəkə platforması “X”də yayımladığı mesajda uzun illər komandanın formasını geyinmiş oyunçuya belə müraciət edib:

“Sənə ən xoş arzularımızı göndəririk, əfsanə!”

Tomas Müllerin “Vankuver Uaytkaps” ilə imzaladığı müqavilə 2025-ci ilin sonunadək qüvvədə olacaq. Müqavilədə birillik uzadılma opsiyası da yer alır.

Qeyd edək ki, 35 yaşlı hücumçu “Bavariya”dan 2025-ci ilin yayında, Klublarası Dünya Çempionatından sonra ayrılıb. O, Münhen təmsilçisinin heyətində ümumilikdə 756 oyuna çıxaraq 250 qol vurub və 276 məhsuldar ötürmə ilə yadda qalıb.