“Bavariya" yeni mövsümə darmadağınla start verdi

Almaniya Bundesliqasında I turun açılış oyunu başa çatıb.

90deqiqe.Az-ın məlumatına görə, “Bavariya" evdə “Leyptsiq”i qəbul edib və rəqibini 6:0 hesabı ilə üstələyib. 

Oyun 27-ci dəqiqədə Maykl Olisenin qolu ilə başladı və “Bavariya” önə keçdi. 32-ci dəqiqədə Luis Dias üstünlüyü artırdı, 42-ci dəqiqədə Olisen dublladı. 64-cü dəqiqədə Garri Keyn komandasının dördüncü qolunu vurdu. 66-cı dəqiqədə Antonio Nusa fərqi azaltdı, lakin hakim qərarı ilə qol qaydaya uyğun sayılmadı. 74-cü dəqiqədə Keyn dublla möhtəşəm oyununu davam etdirdi, 78-ci dəqiqədə isə het-trik etdi.

Qeyd edək ki, “Bavariya” növbəti oyununu 27 avqustda Almaniya Kubokunun I turunda səfərdə “Veen”ə qarşı keçirəcək. Bundesliqada II turda isə 30 avqustda səfərdə “Augsburq”la qarşılaşacaq. “RB Leyptsiq” isə II turda evdə “Haydenhaym”ı qəbul edəcək.