Bellinqhem əvəzləndi, atası klubla mübahisə etdi

Almaniya Bundesliqasında I turun oyununda Dortmund “Borussiya”sı “Sankt-Pauli” ilə məhsuldar bərabərlik qeydə alıb – 3:3.

90deqiqe.Az-ın "Sky Sports"a istinadən məlumatına görə, “şmellər”in yarımmüdafiəçisi Cob Bellinqhemin atası oyunun fasiləsində oğlunun əvəzlənməsindən narazı qalıb.

Matçdan sonra o, klubun idman direktoru Sebastyan Kelle ilə emosional söhbət edib və komandadan, eləcə də oğlunun vaxtından əvvəl meydandan çıxarılmasından məmnun olmadığını bildirib.

Cob Bellinqhem bu yay Dortmund klubuna qoşulub. İngiltərəli yarımmüdafiəçi ilə uzunmüddətli müqavilə imzalanıb və razılaşma 2030-cu ilin ortalarına qədər nəzərdə tutulub.