“Boatenqin təcrübəsindən komandamız faydalana bilər”

“Bavariya” klubunun baş məşqçisi Visent Kompani 37 yaşlı futbolçu Jerom Boatenqin məşqçilik karyerasına başlama arzusu barədə fikirlərini bölüşüb.

90deqiqe.Az-ın məlumatına görə, təcrübəli çalışdırcı bu barədə klubun rəsmi saytına açıqlamasında bildirib.

“Jeromu hələ ‘Hamburq’ dövründən tanıyıram. O, mənim məşqçi heyətimə qoşula bilərmi? Bu barədə ictimai şəkildə danışmıram. Amma bir neçə həftəlik təcrübə keçməsi problem deyil, o, həmişə ‘Bavariya’ legendi kimi dəvətlidir. Onun təcrübəsindən faydalana bilərik”

Qeyd edək ki, Boatenq bu il futbolçu karyerasını başa vurub. 2011–2021-ci illərdə Münhen klubunda çıxış edib və Almaniya milli komandası ilə 2014-cü il dünya çempionudur.