“Bavariya” “Ayntraxt”ı əliboş yola saldı

2025/2026 mövsümünün Almaniya Bundesliqasının VI turunda “Ayntraxt” (Frankfurt) və “Bavariya” komandaları üz-üzə gəlib.

90deqiqe.Az-ın məlumatına görə, “Frankfurt Arena”da keçirilən oyunda qonaqlar 3:0 hesabı ilə qalib gəlib. 

1-ci dəqiqədə Luis Dias qonaqları hesabda önə çıxarıb, 27-ci dəqiqədə Harri Keyn üstünlüyü ikiqat artırıb. 84-cü dəqiqədə Luis Dias fərqi artıraraq dubla imza atıb.

Bu nəticədən sonra “Ayntraxt” 9 xalla turnir cədvəlinin 6-cı pilləsində qərarlaşıb, “Bavariya” isə 18 xalla liderliyi ələ keçirib.

Növbəti turda “Ayntraxt” oktyabrın 19-da səfərdə “Frayburq”la, “Bavariya” isə oktyabrın 18-də evdə “Borussiya Dortmund”la qarşılaşacaq.