"Bavariya"nın direktoru Olisenin klubdakı gələcəyindən danışıb

“Bavariya”nın idman direktoru Kristof Froynd klubun hücumçusu Maykl Olise ilə bağlı gələcək planlarını açıqlayıb.

90deqiqe.Az xəbər verir ki, "Sky Sport Germany" funksionerin dediklərini belə çatdırıb.

“Biz oyunçu ilə bağlı heç bir təzyiq hiss etmirik. Onu növbəti yeddi, səkkiz, doqquz il ərzində ‘Bavariya’da oynayacağını təsəvvür edə bilərik. Michael uzunmüddətli müqaviləyə malikdir, özünü göstərib və futbol inkişafında mühüm addımlar atıb”

Qeyd edək ki, Maykl Olise 2024-cü ilin yayında “Kristal Palas”dan “Bavariya”ya 55 milyon avroya transfer olunub. Cari mövsümdə fransalı, klub üçün bütün turnirlərdə 9 oyunda iştirak edərək 5 qol vurub və 4 məhsuldar ötürmə edib. Transfermarkt-ın məlumatına görə, hazırda 23 yaşlı  oyunçunun bazar qiyməti 100 milyon avrodur.