Nyubel "Bavariya"nı tərk edə bilər

Hazırda "Ştutqart"da icarə əsasında çıxış edən müqavilə ilə "Bavariya"ya məxsus olan qapıçı Aleksandr Nyubel Münhen klubunu tərk edə bilər.

90deqiqe.Az xəbər verir ki, 29 yaşlı qolkiper gələn il yenidən icarəyə verilmək istəmir. Əgər Manuel Noyer "Bavariya" ilə müqaviləsini uzatsa, böyük ehtimalla Nyubel klubu daimi şəkildə tərk edəcək. Lakin indiki mərhələdə "Ştutqart"a transfer ehtimalı azdır, buna görə də Nyubel digər variantları nəzərdən keçirməli olacaq.

Nyubelin maaşı "Bavariya" ilə müqaviləsinin uzadılmasından sonra ildə təxminən 11-12 milyon avro təşkil edir. Qapıçı 2020-ci ildə "Bavariya"ya transfer olunub və həmin vaxtdan etibarən yalnız 4 oyunda iştirak edib. Transfermarkt ekspertləri qapıçının dəyərini 12 milyon avro olaraq qiymətləndirir.