Xuan Bernat futbol karyerasını davam etdirməyə hazır olduğunu açıqlayıb

“Bavariya” və PSJ-nin sabiq müdafiəçisi Xuan Bernat futbol karyerasını davam etdirmək niyyətində olduğunu bildirib.

90deqiqe.Az-ın məlumatına görə, 31 yaşlı futbolçu bu barədə sosial şəbəkə hesabında yazıb.

“Keçən mövsüm ərzində qasıq nahiyəmdəki ağrılardan əziyyət çəkirdim. Mövsümün sonunda əməliyyat olunmalı oldum — bu, son iki il ərzində keçirdiyim ikinci əməliyyat idi. O vaxtdan bəri bir neçə ayı intensiv reabilitasiya və hazırlıqla keçirdim və son üç həftədə tam bərpa olunduğumu deyə bilərəm. İndi isə meydanlara qayıtmağı səbirsizliklə gözləyirəm”

Qeyd edək ki, ispaniyalı oyunçu iyul ayından etibarən klubsuzdur.Karyerası ərzində Bernat “Valensiya”, “Bavariya”, “PSJ”, “Benfika”, “Vilyarreal” və “Xetafe” klublarının heyətində çıxış edib. Müdafiəçi həmçinin İspaniya millisinin də formasını geyinib.