Almaniyada qovulan futbolçu keçmiş klubundan 1,5 milyon avro alacaq

Almaniyanın “Maynts” klubundan 2023-cü ildə Fələstin tərəfdarı paylaşmaları səbəbindən qovulan Ənvər Əl-Qazi keçmiş komandası ilə məhkəmədə qalib gəlib.

90deqiqe.Az xəbər verir ki, Bundesliqa klubu futbolçuya 2023/2024 mövsümü üçün ödəmədiyi maaşı, təxminən 1,5 milyon avro, tam şəkildə ödəyəcək.

Oktyabr 2023-də sosial şəbəkələrdə “Çaydan okeana qədər, Fələstin azad olacaq” sözlərini paylaşan futbolçu açıqlayıb ki, həmin məbləğin təxminən yarısını – 500 min avro – Fələstinə yardım məqsədilə göndərəcək. Əl-Qazi sosial mediada yazıb:

“Ümid edirəm, ‘Maynts’ rəhbərliyi öz yaratdığı vəziyyətlə barışacaq və bu pul uşaqların xilasına kömək edəcək.”

Hazırda 28 yaşlı futbolçu Uelsin “Kardiff Siti” klubunda çıxış edir və karyerasını orada davam etdirir.