“Tuxel ‘Bavariya’ya keçməyimin əsas səbəbi idi”

“Bavariya”nın hücumçusu Harri Keyn İngiltərə millisinin hazırkı baş məşqçisi Tomas Tuxellə Münhen klubundakı əməkdaşlıq dövrü barədə danışıb.

90deqiqe.Az xəbər verir ki, "Reuters" ingilis futbolçunun dediklərini belə çatdırıb.

“O (Tuxel) ‘Bavariya’ya keçməyimin başlıca səbəbi idi. Onun enerjisi, nə etmək istədiyi və oyunu necə qurmağa çalışdığı mənə çox xoş gəlirdi. İlk görüşümüzdən etibarən aramızda düzgün münasibət formalaşdı. Düşünürəm ki, o bu vəzifəyə təyin olunanda məndə komandada böyük lider görürdü. Futbolçularla münasibətlərdə, bəzi işçilərlə ünsiyyətdə, klubun mədəniyyətini tanımaqda ona kömək edəcək bir insan kimi baxırdı”