“Leypsiq” “Verder”i məğlub etdi

Bundesliqanın XI turu çərçivəsində keçirilən “Leypsiq” – “Verder” qarşılaşması başa çatıb.

90deqiqe.Az-ın məlumatına görə, “Red Bull Arena”da baş tutan görüş meydan sahiblərinin 2:0 hesablı qələbəsi ilə yekunlaşıb.

Oyunun hesabı 63-cü dəqiqədə Assan Uedraoqonun qolu ilə açılıb. 80-ci dəqiqədə isə Ksaver Şlager fərqi artıraraq matçın yekun nəticəsini müəyyənləşdirib.

Qələbə sayəsində “Leypsiq” xalını 25-ə çatdıraraq Bundesliqanın ikinci pilləsində qərarlaşıb. “Verder” isə 15 xalla turnir cədvəlinin 8-ci yerində yer alıb.

Növbəti turda “Leypsiq” 28 noyabrda səfərdə Mönhenqladbax “Borussiya”sı ilə qarşılaşacaq. “Verder” isə 29 noyabrda “Köln”ü qəbul edəcək.