“Bavariya”dan darmadağın

Almaniya Bundesliqasının 2025/2026 mövsümünün XV turu çərçivəsində keçirilən “Haydenhaym” – “Bavariya” oyunu başa çatıb.

90deqiqe.Az xəbər verir ki, qarşılaşma Haydenhaym-an-der-Brents şəhərində yerləşən “Foyt-Arena” stadionunda keçirilib. Görüşün baş hakimi Florian Badştübner olub. Matçda “Bavariya” səfərdə 4:0 hesablı inamlı qələbə qazanıb.

Hesabı 15-ci dəqiqədə Yosip Stanişiç açıb. 32-ci dəqiqədə Maykl Olise fərqi iki topa çatdırıb. Oyunun sonlarında, 87-ci dəqiqədə Luis Dias, 90+2-ci dəqiqədə isə Harri Keyn adlarını tabloya yazdıraraq yekun nəticəni müəyyənləşdiriblər – 0:4.

Bu nəticədən sonra 11 xal toplayan “Haydenhaym” Bundesliqanın turnir cədvəlində 17-ci pillədə qərarlaşıb. 41 xalı olan “Bavariya” isə liderliyini davam etdirir.

Növbəti turda 10 yanvar tarixində “Haydenhaym” doğma meydanda “Köln”ü qəbul edəcək. “Bavariya” isə 11 yanvarda ev oyununda “Volfsburq”la üz-üzə gələcək.