“Bavariya” mövsümün ilk yarısını möhtəşəm keçirdi"

“Vankuver Uaytkeps”in hücumçusu Tomas Müller cari mövsümün ilk yarısında Münhen “Bavariya”sının çıxışını dəyərləndirib.  

90deqiqe.Az xəbər verir ki, "Bayern&Germany" futbolçunun dediklərini belə çatdırıb.

“Bavariya” mövsümün ilk yarısında möhtəşəm çıxış etdi. Komanda təkcə baxımlı futbol nümayiş etdirmir, eyni zamanda böyük əzmkarlıqla çalışır, mübarizə aparır və qələbə qazanmağa can atır. Kollektivdə birlik və komanda ruhu açıq şəkildə hiss olunur. Onlar bir çox oyunda hesabda geri düşsələr də, sonda qalib gəlməyi bacarıblar.

“Bavariya”nın oyunlarını izləmək çox maraqlıdır. Münhen təmsilçisinin iştirak etdiyi mümkün qədər çox matça baxmağa çalışmışam”

Bundesliqada 15 turdan sonra “Bavariya” 41 xal toplayaraq turnir cədvəlinə başçılıq edir.