Almaniya 2-ci Bundesliqasında 7-ci turun oyunları keçirilib.
Corner.az xəbər verir ki, millimizin yarımmüdafiəçisi Dmitri Nazarovun çıxış etdiyi “Ersgebirge” klubu növbəti matçına çıxıb.
Aue təmsilçisi səfərdə “Hamburq”un qonağı olub. Futbolçumuzun komandası bu oyundan darmadağın olub – 0:4.
Nazarov da bu matçın iştirakçısı olub. Millimizin futbolçusu fasilədən sonra – 46-cı dəqiqədə meydana buraxılıb.
Qeyd edək ki, 7 turdan sonra “Ersgebirge” 11 xalla 7-ci pillədə qərarlaşıb.