Kovaç Premyer Liqada çalışmaq istəyir

“Borussiya”nın baş məşqçisi Niko Kovaç karyerasının müəyyən mərhələsində İngiltərədə işləməyi planlaşdırır.

90deqiqe.Az-ın "Sky"a istinadən məlumata görə, 54 yaşlı mütəxəssis hazırda “Mançester Yunayted”in qısa siyahısındadır. “Qırmızı şeytanlar” mövsümün sonuna qədər baş məşqçi vəzifəsinə Mayk Karriki təyin edib, lakin yayda yeni çalışdırıcını dəvət etmələri gözlənilir.

Qeyd edək ki, ilin əvvəlində Niko Kovaçın namizədliyi “Çelsi”də də müzakirə olunmuşdu, lakin London klubu bu post üçün Liam Rosenoru seçmişdi.

Xatırladaq ki, “Borussiya” Kovaçla ikinci turda Çempionlar Liqasının oyununda İngiltərədə “Tottenhem”ə qarşı mübarizə aparacaq.