“Bavariya”da ən yüksək maaş alan futbolçu məlum olub

“Bavariya”da ən çox qazanan futbolçunun kimliyi bəlli olub.

90deqiqe.Az-ın məlumatına görə, hazırda Bundesliqa nəhənginin heyətində ən yüksək maaş alan oyunçu hücumameyilli yarımmüdafiəçi Camal Musialadır.

Bonuslar da daxil olmaqla, 22 yaşlı futbolçunun illik gəliri təxminən 30 milyon avro təşkil edir. Hətta komandanın ulduz hücumçusu Harri Keyn belə Musialadan daha az məvacib alır.

Bu mövsüm Musiala Almaniya çempionatında cəmi bir oyunda meydana çıxıb və bir məhsuldar ötürmə ilə yadda qalıb. Yarımmüdafiəçi yanvar ayına qədər ciddi zədədən sonra bərpa prosesi keçib.