“Bavariya” evdə "Auqsburq”a uduzdu

Almaniya Bundesliqasında XIX turun oyunu çərçivəsində “Bavariya” ilə “Auqsburq” üz-üzə gəlib.

90deqiqe.Az-ın məlumatına görə, “Münhen Arena”da keçirilən qarşılaşma qonaqların 2:1 hesablı qələbəsi ilə yekunlaşıb. Oyunun baş hakimi Florian Eksner olub.

Matçda hesab 23-cü dəqiqədə meydan sahiblərinin müdafiəçisi Hiroki İtonun qolu ilə açılıb. İkinci hissədə “Auqsburq”un futbolçusu Artur Şaves 75-ci dəqiqədə tarazlığı bərpa edib. Qonaqların heyətində yarımmüdafiəçi Xan-Noa Massengo 81-ci dəqiqədə fərqlənərək komandasına qələbə qazandırıb.

XIX turdan sonra “Bavariya” 50 xalla turnir cədvəlinə başçılıq edir. “Auqsburq” isə 19 xalla 13-cü pillədə qərarlaşıb.

Növbəti turda, yanvarın 31-də “Bavariya” “Hamburq”la qarşılaşacaq. Həmin gün “Auqsburq” da “Sankt-Pauli” ilə üz-üzə gələcək.