“Leypsiq”dən inamlı qələbə

Almaniya Bundesliqasının XIX turu çərçivəsində “Haydenhaym” “Leypsiq”i qəbul edib.

90deqiqe.Az-ın məlumatına görə, “Foyt-Arena”da (Haydenhaym-an-der-Brenz, Almaniya) keçirilən qarşılaşma qonaqların 3:0 hesablı qələbəsi ilə yekunlaşıb. Matçın baş hakimi Tobias Ştiler olub.

Görüşdə hesab 62-ci dəqiqədə “RB Leypsiq”in müdafiəçisi Ridle Bakunun qolu ilə açılıb. 68-ci dəqiqədə hücumçu Antonio Nusa “öküzlər”in üstünlüyünü artırıb. Cəmi üç dəqiqə sonra David Raum fərqlənərək hesabı böyük edib.

Bundesliqada 18 oyundan sonra “RB Leypsiq” 35 xalla turnir cədvəlinin üçüncü pilləsində yer alıb. “Haydenhaym” isə 19 matçdan sonra topladığı 13 xalla 17-ci sırada qərarlaşıb.