“Borussiya"dan səfərdə qələbə

Almaniya Bundesliqasının 19-cu turunda “Union” – “Borussiya Dortmund” matçı başa çatıb.

90deqiqe.Az-ın məlumatına görə, görüş Berlindəki “An der Alten Försterei” stadionunda keçirilib və baş hakim kimi Robert Hartman çıxış edib. Matç qonaqların 3:0 hesablı qələbəsi ilə yekunlaşıb.

Hesabı açan Emre Can olub. O, 10-cu dəqiqədə penalti zərbəsini dəqiq yerinə yetirərək komandasını önə çıxarıb. İkinci hissənin 53-cü dəqiqəsində müdafiəçi Niko Şlotterbek fərqi artırıb. Matçın 84-cü dəqiqəsində isə hücumçu Maksimilian Bayer hesabı 3:0-a çatdıraraq qələbəni rəsmiləşdirib.

19 oyundan sonra “Borussiya Dortmund” 42 xalla turnir cədvəlində ikinci yerdə qərarlaşıb. “Union” isə 24 xalla doqquzuncu pillədədir.