Keyn “Bavariya”dakı gələcəyi ilə bağlı danışıqlar aparır

Almaniyanın “Bavariya” klubu hücumçu Harri Keyn ilə müqavilənin uzadılması üzrə rəsmi danışıqlara başlayıb.

90deqiqe.Az xəbər verir ki,  tərəflər yeni əmək müqaviləsinin müddətini 2028 və ya 2029-cu ilə qədər müəyyən etmək barədə danışıqlar aparırlar. Münhen klubunun idman direktoru Maks Eberl də bu məlumatı təsdiqləyib.

Eberlinin sözlərinə görə: “Biz Harri ilə danışıqlar aparırıq”.

Qeyd olunur ki, futbolçu özü də hazırkı klubunda qalmaq istəyir. Harri Keynin “Bavariya” ilə mövcud müqaviləsi 2027-ci ilə qədər qüvvədədir. Transfermarkt məlumatına görə, onun bazar dəyəri hazırda 65 milyon avrodur.

Harri Keyn 2023-cü ildə “Bavariya”ya keçib və bu müddət ərzində klubun heyətində 126 oyunda 119 qol vurub, həmçinin 30 məhsuldar ötürmə edib.