“Leyptsiq” evdə “Maynts”a uduzdu

Almaniya Bundesliqasının XX turu çərçivəsində “Leyptsiq” və “Maynts” komandaları arasında keçirilən oyun başa çatıb.

90deqiqe.Az-ın məlumatına görə, Leyptsiq şəhərində yerləşən “Leyptsiq” stadionunda təşkil olunan qarşılaşma qonaqların 2:1 hesablı qələbəsi ilə yekunlaşıb. Görüşü Niderbübldən olan baş hakim Daniyel Şlager idarə edib.

Matçda hesab 39-cu dəqiqədə açılıb. Konrad Harder meydan sahiblərini önə çıxarıb. İlk hissəyə əlavə olunmuş vaxtda (45+6) Nadim Amiri penaltini dəqiq yerinə yetirərək hesabı bərabərləşdirib. Qarşılaşmada qalib qolu isə 49-cu dəqiqədə Silas Katompa Mvumpa vurub.

Bu nəticədən sonra “RB Leyptsiq” 36 xalla Almaniya çempionatının turnir cədvəlində 4-cü pillədə qərarlaşıb. “Maynts” isə 18 xalla 15-ci yerdədir.

Növbəti turda “öküzlər” fevralın 8-də səfərdə “Köln”lə üz-üzə gələcək. “Karnavalçılar” isə fevralın 7-də doğma meydanda “Auqsburq”u qəbul edəcəklər.