“Onun etdiklərini başqası edə bilməz”

“Bavariya”nın müdafiəçisi Conatan Ta komanda yoldaşı Camal Musiala barədə fikirlərini bölüşüb.

90deqiqe.Az xəbər verir ki, "ESPN" futbolçunun dediklərini belə çatdırıb.

“Camal xüsusi anlarda həmişə yanındadır. O, meydanda elə şeylər edir ki, bunu nə başqa futbolçu bacarar, nə də kimsə gözləyə bilər. O, xüsusi oyunçudur. Çətin bir dövr keçirdikdən sonra onu yenidən meydanda görməyimə çox sevinirəm”

Qeyd edək ki, Musiala yalnız yanvar ayında yaşıl meydanlara qayıdıb. Yarımmüdafiəçi ötən ilin yayında aldığı zədə səbəbindən uzun müddət bərpa prosesi keçib.

Cari mövsümdə 22 yaşlı futbolçu bütün turnirlərdə dörd oyunda iştirak edib, bir qol vurub və bir məhsuldar ötürmə ilə yadda qalıb.