“Qnabrinin "Bavariya"da, o cümlədən meydandan kənarda xüsusi rolu var”

“Bavariya”nın baş məşqçisi Vensan Kompani komandanın hücumçusu Serj Qnabri ilə yeni müqavilənin uzadılması ilə bağlı açıqlama verib.

90deqiqe.Az xəbər verir ki, "Bayern & Germany" çalışdırıcının dediklərini belə çatdırıb.

“Serj dəfələrlə öz keyfiyyətlərini ortaya qoyub. O, paltardəyişmə otağında da çox vacib fiqurdur. Onun meydandan kənarda da xüsusi rolu var. Verdiyi töhfəni yüksək qiymətləndirirəm. İnanırıq ki, qarşıdakı illərdə də son vaxtlar göstərdiyi performansı davam etdirə biləcək”

Qeyd edək ki, Serj Qnabri 2017-ci ildən “Bavariya”nın formasını geyinir. Cari mövsümdə 30 yaşlı alman futbolçu bütün turnirlər daxil olmaqla 26 oyunda iştirak edib, 7 qol vurub və 8 məhsuldar ötürmə ilə yadda qalıb.

“Bavariya” növbəti oyununu fevralın 8-də “Hoffenhaym”a qarşı keçirəcək. Almaniya Bundesliqasının 21-ci turu çərçivəsində baş tutacaq görüş Bakı vaxtı ilə saat 20:30-da başlayacaq.