“Bavariya” transfer planını müəyyənləşdirdi

Almaniyanın “Bavariya” klubu yay transfer pəncərəsi üçün strategiyasını müəyyənləşdirib.

90deqiqe.Az-ın "The Touchline"yə istinadən məlumata görə, münhenlilər risk səviyyəsi aşağı, amma gəlir potensialı yüksək oyunçulara üstünlük verəcək.

Klubun planına görə, “Bavariya” bir neçə gənc futbolçunu transfer etməklə həm dərhal əsas komandada istifadə etməyi, həm də gələcəkdə satışla gəlir əldə etməyi hədəfləyir. Bu isə o deməkdir ki, mövsümün qalan hissəsində böyük ulduz transferləri gözlənilmir.

Hazırda “Bavariya” Almaniya çempionatında liderdir və eyni zamanda mart ayında keçiriləcək Çempionlar Liqasının 1/8 final matçlarına hazırlığını davam etdirir. Rəqib komandalar isə qış fasiləsinin sonunda müəyyənləşəcək.