“Bayer” “Sankt-Pauli”ni darmadağın etdi

Almaniya Bundesliqasının 22-ci turunda “Bayer”  doğma meydanda“Sankt-Pauli” ilə qarşılaşıb.

90deqiqe.Az-ın məlumatına görə, “BayArena” stadionunda keçirilən matç “aspirinlilər”in 4:0 hesablı qələbəsi ilə başa çatıb. Oyunun baş hakimi Breme şəhərindən Sven Jablonski olub.

Hesabı 13-cü dəqiqədə Jarell Quansah açıb. Bir dəqiqə sonra Patrik Şik komandaya üstünlüyü ikiqat artırıb. 52-ci dəqiqədə Edmond Tapsoba üçüncü qolu vurub, 78-ci dəqiqədə isə Ernest Poku dördüncü qolu rəqibin qapısından keçirib.

Bu nəticədən sonra “Bayer” 39 xalla turnir cədvəlinin 4-cü pilləsində qərarlaşıb. “Sankt-Pauli” isə 17 xalla 17-ci yerdədir.

Növbəti turda “aspirinlilər” fevralın 21-də səfərdə "Union Berlin" ilə qarşılaşacaq, “piratlar” isə fevralın 22-də doğma meydanda "Verder Bremen"i qəbul edəcək.