Harri Keyn 500-cü qolunu vurdu

"Bavariya"nın hücumçusu Harri Keyn Bundesliqanın 22-ci turunda “Verder” üzərində 3:0 hesablı qələbə ilə başa çatan matçda iki dəfə fərqlənərək karyerasında 500-cü qolunu vurub.

90deqiqe.Az xəbər verir ki, İngiltərə millisinin kapitanı bu göstəriciyə 743 oyunda nail olub və Transfermarkt-ın XXI əsr üzrə tərtib etdiyi reytinqdə üçüncü pillədə qərarlaşıb.

Rekord isə Lionel Messiyə məxsusdur. "İnter Mayami"nin forvardı 500 qol həddini 632 matçda keçib. İkinci yerdə "Barselona"nın forvardı Robert Levandovski (730 oyun) qərarlaşıb.

Siyahının dördüncü sırasında Kriştiano Ronaldo yer alır. "Əl-Nəsr"in kapitanı 500 qol həddinə 753 matçda çatıb.