Mario Qötze “Ayntraxt”la müqaviləni uzada bilər

"Ayntraxt Frankfurt" yarımmüdafiəçisi Mario Qötze klubla müqaviləsini uzada bilər.

90deqiqe.Az-ın "Bild"ə istinadən məlumatına görə, əvvəllər dayandırılan danışıqlar mart ayından gec olmayaraq yenidən başlanacaq.

Hazırkı göstəricilər 33 yaşlı futbolçu Frankfurtda qalmasına işarə edir, hətta Albert Riera baş məşqçi təyin olunması bu gedişatı daha da sürətləndirib. Lakin almaniyalı futbolçudan maaşında azalma edilməsi gözlənilir.

Cari mövsümdə Qötze bütün turnirlərdə 24 oyunda iştirak edib və 2 məhsuldar ötürmə ilə yadda qalıb. Onun mövcud müqaviləsi mövsümün sonuna qədər qüvvədədir.