"Bayer" evdə xal itirdi

Almaniya Bundesliqasının 24-cü turunda "Bayer" doğma meydanda "Maynts" ilə qarşılaşıb.

90deqiqe.Az-ın məlumatına görə, görüşdə meydan sahibləri topa nəzarətdə üstün olsalar da, real qol vəziyyətləri yaratmaqda çətinlik çəkiblər. Leverkuzen təmsilçisi ilk təhlükəli epizodu yalnız ikinci hissənin ortalarında yaradıb. Patrik Şik qapıçı ilə üz-üzə qalsa da, rəqib qolkiper inamlı oyun sərgiləyib.

Buna cavab olaraq “Maynts” sürətli əks-hücum təşkil edib. Şeraldo Bekker Paul Nebelin ötürməsini bir toxunuşla qapıdan keçirərək hesabı açıb – 0:1.

“Bayer” məğlubiyyətdən son anda xilas olub. Oyunun 88-ci dəqiqəsində Cərrell Kuansa Kristian Kofanenin ötürməsini dəqiq tamamlayaraq bərabərlik qolunu vurub – 1:1.

Bu nəticədən sonra Leverkuzen klubu turnir cədvəlində altıncı pillədə qərarlaşıb. “Maynts” isə beşinci yerdən sonrakı mövqedədir.