Edin Cekonun cəzası azaldıldı

“Şalke”nin təcrübəli hücumçusu Edin Cekonun diskvalifikasiya müddəti azaldılıb.

90deqiqe.Az-ın "Kicker"ə istinadən məlumatına görə,  bosniyalı forvard “Hannover”lə qarşılaşmada təhlükəli oyuna görə birbaşa qırmızı vərəqə ilə meydandan kənarlaşdırılmışdı. Ayağını yüksək qaldıraraq rəqibinə zərbə endirən futbolçu əvvəlcə iki oyunluq cəza almışdı.

Lakin klubun apellyasiya müraciətindən sonra qərar dəyişdirilib. Belə ki, Ceko yalnız bir oyunu buraxacaq və əlavə olaraq 20 min avro cərimə ödəyəcək.

Qeyd edək ki, 40 yaşlı hücumçu bu mövsüm “Şalke”nin heyətində 8 matçda 6 qol və 3 məhsuldar ötürmə ilə yadda qalıb.

Hazırda Gelzenkirxen təmsilçisi ikinci Bundesliqada ən yaxın izləyicisini 2 xal qabaqlayaraq turnir cədvəlinə başçılıq edir.