"Borussiya"dan çətin qələbə

Almaniya Bundesliqasının 27-ci turunda "Borussiya Dortmund" doğma meydanda "Hamburq" ilə qarşılaşıb.

90deqiqe.Az xəbər verir ki, “Siqnal İduna Park”da keçirilən görüş meydan sahiblərinin 3:2 hesablı qələbəsi ilə başa çatıb.

Matçın hesabını 19-cu dəqiqədə Filip Otele açıb. 38-ci dəqiqədə Albert Sambi Lokonqa fərqi artıraraq qonaqları önə çıxarıb. İlk hissənin sonlarında isə Feliks Nmeça penalti zərbəsindən yararlana bilməyib.

İkinci hissədə “Borussiya” geri dönüş edib. 73-cü dəqiqədə Rami Bensebaini penaltidən fərqlənərək hesab arasındakı fərqi azaldıb. 78-ci dəqiqədə Seru Girassi bərabərlik qolunu vurub.

84-cü dəqiqədə isə yenidən penaltini dəqiq yerinə yetirən Bensebaini dubl edərək komandasına qələbə qazandırıb.

Bu nəticədən sonra “Borussiya Dortmund” 61 xalla ikinci pillədə qərarlaşıb, Hamburq isə 30 xalla 11-ci yerdədir.