Şlotterbek “Borussiya Dortmund”da qalır

“Borussiya Dortmund” müdafiəçisi Niko Şlotterbeklə yollarını davam etdirəcək.

90deqiqe.Az xəbər verir ki, Almaniya klubunun rəhbərliyi futbolçunun nümayəndələri ilə 30 iyun 2031-ci ilədək olan müqavilənin bütün detallarını razılaşdırıb. Şlotterbek “arılar”ın ən yüksək maaş alan oyunçusu olacaq. Həmçinin, 2027-ci ildən etibarən müqavilədə oyunçunun alqı-satqısı üçün xüsusi opsiya qüvvəyə minəcək.

Niko Şlotterbek 2022-ci ildə “Frayburq”dan “Borussiya Dortmund”a 20 milyon avroya transfer olunub. Onun əvvəlki müqaviləsi 30 iyun 2027-ci ilədək nəzərdə tutulmuşdu. Cari mövsümdə müdafiəçi 30 oyunda meydana çıxaraq 4 qol vurub və 2 məhsuldar ötürmə edib.