Mahmud Daud “Ayntraxt”dan ayrılacaq

Almaniyanın “Ayntraxt” (Frankfurt) klubunun yarımmüdafiəçisi Mahmud Daud yaxın yay mövsümündə komandadan ayrılacaq.

90deqiqe.Az xəbər verir ki, bu barədə Frankfurt klubunun rəsmi saytı məlumat yayıb.

Futbolçunun müqaviləsi 30 iyun tarixinə qədər qüvvədədir və uzadılmayacaq. Daud 2024–25 mövsümünün əvvəlində İngiltərənin “Brayton” klubundan “Ayntraxt”a keçib.

30 yaşlı futbolçu Frankfurt komandası ilə 35 oyuna çıxıb, 3 qol vurub və 3 məhsuldar ötürmə edib. Cari mövsümdə Daud 17 oyunda 2 qol və 2 məhsuldar ötürmə ilə yadda qalıb.

Əvvəlki karyerasında Daud Almaniyanın “Borussiya” (Dortmund), “Ştutqart” və “Borussiya” (Mönxenqladbax) komandalarında çıxış edib. O, həmçinin Almaniya millisi ilə 2 oyun keçirib.