“Leyptsiq” 3 xalı tək qolla qazandı

Almaniya Bundesliqasının 29-cu turunda “Leyptsiq” öz meydanında “Borussiya Mönhenqladbax”ı qəbul edib.

90deqiqe.Az xəbər verir ki, görüş ev sahibinin 1:0 hesablı qələbəsi ilə başa çatıb.

Matçın ilk hissəsində tərəflərdən heç biri fərqlənə bilməyib. Yeganə qol 81-ci dəqiqədə vurulub. “Leyptsiq”in qələbə qoluna Yan Diomand imza atıb, məhsuldar ötürmə isə Kristof Baumqartner tərəfindən verilib.

Bu nəticədən sonra “Leyptsiq” 56 xalla turnir cədvəlinin 3-cü pilləsində qərarlaşıb. “Borussiya Mönhenqladbax” isə 30 xalla 13-cü yerdədir.

Qeyd edək ki, ilk dövrədə Mönhenqladbaxda keçirilən oyun 0:0 hesablı heç-heçə ilə başa çatmışdı.