“Çempionluq ciddi əməyimizin nəticəsidir”

Almaniya Bundesliqasının 30-cu turunda “Bavariya” “Ştutqart” üzərində 4:2 hesablı qələbə qazanaraq çempionluğu vaxtından əvvəl rəsmiləşdirib.

90deqiqe.Az-ın “ESPN”ə istinadən məlumatına görə, Münhen təmsilçisinin mərkəz hücumçusu Harri Keyn qazandıqları titul barədə fikirlərini bölüşüb.

“Komanda üçün möhtəşəm mövsüm oldu. Çempionatı çox yaxşı keçirdik, çoxlu qollar vurduq. Bütün bunlar ilk gündən göstərdiyimiz ciddi əməyin nəticəsidir. Çempionluğu qazanmaq üçün çox çalışdıq”, – deyə ingilis hücumçu bildirib. 

Cari mövsümdə Bundesliqada Keyn 27 oyuna çıxıb, 32 qol vurub və 5 məhsuldar ötürmə edib.