“Bavariya” yarımfinalda “Bayer”i mübarizədən kənarlaşdırdı

Almaniya Kubokunun yarımfinal mərhələsində “Bayer” ilə “Bavariya” qarşılaşıb.

90deqiqe.Az xəbər verir ki, “BayArena” stadionunda keçirilən matçı Berlin şəhərindən olan Felyiks Tsvayerin başçılıq etdiyi hakimlər briqadası idarə edib. Görüş Münhen klubunun 2:0 hesablı qələbəsi ilə yekunlaşıb.

Matçda hesabı 22-ci dəqiqədə “Bavariya”nın hücumçusu Harri Keyn açıb. 90+4-cü dəqiqədə Luis Dias fərqi artıraraq qonaqların qələbəsini rəsmiləşdirib.

Turnirin 1/4 final mərhələsində Münhen klubu “Leyptsiq”i 2:0, Leverkuzen təmsilçisi isə “Sankt Pauli”ni 3:0 hesabı ilə məğlub edərək yarımfinala yüksəlmişdi.

Yarımfinalın digər görüşündə “Ştutqart” və “Frayburq” komandaları üz-üzə gələcək. Matç 23 aprelə planlaşdırılıb.

Hazırkı Almaniya Kubokunun sahibi “Ştutqart”dır. Komanda 2024/2025 mövsümündə finalda “Arminiya”nı 4:2 hesabı ilə məğlub edərək titula sahib çıxıb.