- Almaniya B.L.
- 23:42 06.05.2026
“Bavariya”nın qapıçısı Manuel Neuer gələcək karyerası ilə bağlı qərarını verib.
90deqiqe.Az-ın “Kicker"ə istinadən məlumatına görə, 40 yaşlı qolkiper Münhen klubu ilə 2027-ci il iyunun 30-na qədər yeni müqavilə imzalamağa çox yaxındır. Bildirilir ki, yeni anlaşmanın rəsmən gələn həftə açıqlanması gözlənilir.
Qeyd edək ki, Noyer 2011-ci ildə “Şalke”dən “Bavariya”ya 30 milyon avro qarşılığında transfer olunub. Onun hazırkı müqaviləsi 2026-cı ilin yayına qədər qüvvədədir.
Cari mövsümdə qapıçı Münhen təmsilçisinin heyətində bütün turnirlərdə 35 oyuna çıxıb, 38 qol buraxıb və 11 matçda qapısını toxunulmaz saxlayıb.
“Transfermarkt” portalı onun bazar dəyərini 4 milyon avro olaraq qiymətləndirir.
