Albert Riera mövsümün sonunda “Ayntraxt”dan ayrılacaq

İspaniyalı mütəxəssis Albert Rieranın mövsümün sonunda Almaniyanın “Ayntraxt” klubundan ayrılacağı bildirilir.

90deqiqe.Az xəbər verir ki, qərarın səbəbi açıqlanmasa da, komandanın uğursuz nəticələrinin bu ayrılıqda əsas rol oynadığı ehtimal edilir.

Xatırladaq ki, Riera Frankfurt təmsilçisini bu ilin yanvar ayından çalışdırır. O, daha əvvəl Sloveniyanın “Selye” klubunda fəaliyyət göstərib.

“Ayntraxt” hazırda Bundesliqada 43 xalla səkkizinci pillədə qərarlaşıb və komandanın növbəti mövsüm avrokuboklara vəsiqə qazanmaq şansı olduqca az qiymətləndirilir.

Qeyd edək ki, Frankfurt klubu Bundesliqada keçirdiyi son altı oyunda cəmi bir qələbə qazana bilib.