İraola Almaniya klubuna rəhbərlik edə bilər

“Bornmut”un baş məşqçisi Andoni İraola Almaniya klubuna başçılıq edə bilər.

90deqiqe.Az xəbər verir ki, bu barədə "talkSPORT" nəşri məlumat yayıb.

Mənbənin bildirdiyinə görə, ispaniyalı mütəxəssisin xidmətində Leverkuzen “Bayer”i maraqlıdır. Lakin Almaniya təmsilçisi baş məşqçi uğrunda mübarizədə “Kristal Pelas”la rəqabət aparmalı olacaq.

Daha əvvəl “qartallar”ın İraola ilə müqavilə imzalamağa yaxın olduğu barədə məlumat yayılmışdı.

İspaniyalı çalışdırıcı “Bornmut”u 2023-cü ilin yayından çalışdırır.

Komanda bu mövsüm İngiltərə çempionatının turnir cədvəlində 55 xalla altıncı pillədə qərarlaşıb.

Qeyd edək ki, həmin mövqe komandaya Avropa Liqasına vəsiqə qazandırır.